Mestreechse Verhaole

De Kloniaal

Auteur(s): René Heckers

Bij Harie um d'n hook woende eine dee vreuger in Indië waor gewees. Daoveur hadde de lui häöm de naom vaan 'kloniaal' gegeve. Heer had 'ne slaag vaan de smik gehad en waor de weeg e bitsje kwiet. Es heer gek doog, zagte de lui : 'Heer heet 't weer'. Of ze zagte : 'Heer heet weer aon dee boum gedroonke'.

's Mörges vreug zaog Harie de kloniaal langskoume. Heer had daan 'ne lege kolenummer bij ziech. Veur zien vrouw mós heer daan 'nen ummer kole hole ('nen ummer griezele, um perseis te zien). Z'n vrouw wèrkde op de 'National','t regejassefebrik in de Bessing. Ze gaof häöm 's mörges vief gölde mèt veur 'nen ummer kole. En veur de paar cent die euverbleve moch heer ziech eine goon drinke.

Harie zaog de kloniaal miestal langs goon um 'n oor of nege en um twelf oor zaog heer häöm trök koume mèt 'ne legen ummer. Heer sjeigelde get. Mèt aander wäörd : heer had e stök in z'n koont. Wat waor noe gebäörd? Edere mörge góng de kloniaal op stap mèt z'ne legen ummer. In z'n tes de vief gölde. Daan góng heer op weeg nao de koleboer. Jaomer genóg kaom heer iers altied langs 'ne kaffee veurtot heer bij de koleboer kaom. Veur de deur vaan de kaffee zaogste häöm dinke : 'Zouw iech?' En jao huur, ederskier veel heer door de körf. Heer pakde ziech alvas de cent die zouwe euverblieve vaan de kole en koch ziech daoveur e pèlske. Heer pakde ziech daan nog eint en nog eint. Heer kraog eint en gaof eint trök.

Es de cent veur de kole op waore, pófde heer ouch nog veur 'ne gölde of twie en sjeigelde daan mèt de legen ummer nao hoes. Harie had häöm vreuger wel ins vief gölde geliend, zoetot heer toch nog kole kós hole. Meh dao waor heer mèt oetgesjeid, want de kloniaal gaof noets get trök. E paar daog zaogste häöm daan neet. Heer had daan straof vaan zien vrouw. Meh daan zaogste häöm weer sjeigele mèt ziene legen ummer. Soms kaom heer ouch zoonder ummer langs.

Wie Harie aon de vrouw vaan de kloniaal vroog boerum heer miestal 'ne legen ummer bij ziech had, zag ze : 'Mèt dee legen ummer aon z'n hand heet heer ederen daag e sjöldgeveul tot heer de cent veur de kole heet verzope. Zoonder ummer zup heer mer raak'.

Bij Harie um d'n hook woende eine dee vreuger in Indië waor gewees. Daoveur hadde de lui häöm de naom vaan 'kloniaal' gegeve. Heer had 'ne slaag vaan de smik gehad en waor de weeg e bitsje kwiet. Es heer gek doog, zagte de lui : 'Heer heet 't weer'. Of ze zagte : 'Heer heet weer aon dee boum gedroonke'.

's Mörges vreug zaog Harie de kloniaal langskoume. Heer had daan 'ne lege kolenummer bij ziech. Veur zien vrouw mós heer daan 'nen ummer kole hole ('nen ummer griezele, um perseis te zien). Z'n vrouw wèrkde op de 'National', 't regejassefebrik in de Bessing. Ze gaof häöm 's mörges vief gölde mèt veur 'nen ummer kole. En veur de paar cent die euverbleve moch heer ziech eine goon drinke.

Harie zaog de kloniaal miestal langs goon um 'n oor of nege en um twelf oor zaog heer häöm trök koume mèt 'ne legen ummer. Heer sjeigelde get. Mèt aander wäörd : heer had e stök in z'n koont. Wat waor noe gebäörd? Edere mörge góng de kloniaal op stap mèt z'ne legen ummer. In z'n tes de vief gölde. Daan góng heer op weeg nao de koleboer. Jaomer genóg kaom heer iers altied langs 'ne kaffee veurtot heer bij de koleboer kaom. Veur de deur vaan de kaffee zaogste häöm dinke : 'Zouw iech?' En jao huur, ederskier veel heer door de körf. Heer pakde ziech alvas de cent die zouwe euverblieve vaan de kole en koch ziech daoveur e pèlske. Heer pakde ziech daan nog eint en nog eint. Heer kraog eint en gaof eint trök.

Es de cent veur de kole op waore, pófde heer ouch nog veur 'ne gölde of twie en sjeigelde daan mèt de legen ummer nao hoes. Harie had häöm vreuger wel ins vief gölde geliend, zoetot heer toch nog kole kós hole. Meh dao waor heer mèt oetgesjeid, want de kloniaal gaof noets get trök. E paar daog zaogste häöm daan neet. Heer had daan straof vaan zien vrouw. Meh daan zaogste häöm weer sjeigele mèt ziene legen ummer. Soms kaom heer ouch zoonder ummer langs.

Wie Harie aon de vrouw vaan de kloniaal vroog boerum heer miestal 'ne legen ummer bij ziech had, zag ze : 'Mèt dee legen ummer aon z'n hand heet heer ederen daag e sjöldgeveul tot heer de cent veur de kole heet verzope. Zoonder ummer zup heer mer raak'.

Afb 1: Steenkolenhandel 'De Vlam' in de Bredestraat
Afb 2: Voor menige Maastrichtenaar was het café een tweede thuis
Afb 3: Proost!
Afb 4: In De Struys komt heel wat volk over de vloer. Dit was wel een heel bijzondere gast (1958)


De verhalen:
't Gaasmenneke, Bruudsje Stols, D'n doevemèlker, D'n Tamboermaître, De Benanebókser, De boontjas vaan Harie z'n mam, De mins vaan 't Leger des Heils, De roej Tina, Harie de poompemeker, Keersgratificatie, Peerdsvleis, Rieka vaan de frituur, Sjink, Wieker Broonk,

Terug naar het verhalenoverzicht