Mestreechse Verhaole

De Benanebókser

Auteur(s): René Heckers

Kint geer häöm nog? De Witte Vreugop of, aanders gezag, de Benanebókser'? 'nen Echte Mestreechteneer, dee ziech gere eine droonk, meh mèt 't hart op de gooj plaots.

E paar daog veur Keersmes had heer zjus bij ziene kraom op de merret benane en appelesene aofgelieverd. De vrachwage stoont bij D'n Dollen Dries veur de deur, want heer had z'ch nog gaw eine goon pitse. Heer spróng in d'n oto en zat achteroet. Iers huurde heer 'ne slaag en daonao 'nen houp gekeeks. Heer versjrók ziech te barste, want heer meinde tot heer 'ne mins oonder d'n oto had ligke. 't Waor geine mins, meh 'ne rollator. D'n eigeneer,

Freddy Broekhuyzen, stoont verpópzak nao zie keerke te loere. 't Waor finaal nao z'n moor.
De Benanebókser kretsde ziech ins achter z'n oere en dach bij z'n eige : 'Witte, dat is kloete!' D'n Dollen Dries kaom nao boete gevloge um te kieke wat aon de hand waor. Wie heer zaog wee 't waor, zag heer allein mer : 'Witte, maak dat wel eve in orde mèt dee mins, he. De Benanebókser duide Freddy Broekhuyzen in d'n oto en rijde mèt häöm nao d'n twieden euverweeg. In dee winkel zag heer tege de verkuiper : 'Wat kos zoe'n kaar?'De gooje mins wouw allerlei teks en oetlègk goon geve, meh de Benanebókser zag : 'Sjei oet, maan, veer höbbe geinen tied. Geef us de sjoenste en de deurste mer'. En heer goejde de cent al op de toenbaank. Ze vertrokke mèt de rollator en weer op de merret aongekoume ritselde de Benanebókser ouch nog gaw 'ne stroek blomme en zag toen tege Freddy : 'Meister, iech hoop tot iech 't zoe good veur Uuch höb opgelos'. Freddy gaof es antwoord : 'U bent een heer om dat zo vlug en zo mooi voor mij op te lossen'. 'Gaank, awmem', zag de Benanebókser, 'iech bin mer 'ne gewoene mestreechter jong dee mèt appelesene en benane op de merret steit . Iech hoop totste 'ne sjoene Keersmes maags höbbe'.

Afb 1: En nog eine, en nóg eine …
Afb 2: Freddy Broekhuyzen (derde van links) de eerste boetiekhouder van Maastricht, danst met zijn vrouw Mimi tijdens een feestje in 1952


De verhalen:
't Gaasmenneke, Bruudsje Stols, D'n doevemèlker, D'n Tamboermaître, De boontjas vaan Harie z'n mam, De Kloniaal, De mins vaan 't Leger des Heils, De roej Tina, Harie de poompemeker, Keersgratificatie, Peerdsvleis, Rieka vaan de frituur, Sjink, Wieker Broonk,

Terug naar het verhalenoverzicht